وهم الاخوان

وهم الاخوان
كان فية واحد من الاخوان كاتب فى مدونتة عن - حسن البنا - وكان فية حاجا عجيبة كنت بلقيها لما كنت بدخل اى مدونة اخونجيه -
عندهم حسن البنا وسيد قطب زى المخدرات كان الاخرة اتجمعت عندهم وكان مفيش بنادمين الا الناس دى
وكان فية تعليق ليا عند صاحب مدونة اسمها - مدونة ابو مفراح - وكتبت له التعليق دا
( هو يعنى مفيش كلام على لسان الاخوان الا حسن البنا وسيد قطب وكان الاخرة كلها اجتمعت عندهم
والاخوان عندهم اطماع لا حصر لها فى الدولة او غيرها
واللى يثبت كدى ان مرشدكم وافق ان مبارك يبقا الريس فى سبيل تطبيق الشريعة يعنى مكسب دينى وسياسى لكم فى الوقت نفسة
وفى الاتجاة الاخرى انتوا رضيتوا بالطاغية مبارك ونسيتوا جريمة بس عشان يطبق الشريعة اللى هيا هتجبلكم مكاسب زى ما قلت
والعجيب عند الاخوان ان هم بيربوا عيالهم على اساس انهم فعلا قادة وهما احق الناس بالبلد وهوما افضل ناس والعيال بيتعملوا على اساس كدى فعلا
فكر عقيم ومصر هتبقا اسوا بلد اكتر من افغانستان لو مسكها الاخوان
طبعا هيقوم عليا الف صوت دلواتى يشتم ويغلط او يحاول يببن انوا احسن -
فكر الاخوان فكر انتهازى لا قيمة لة
ومصر فى نظرى احسن دلواتى مع كرهى لمبارك اقلها مفيش فتنة طائفية بينا وبين المسيحين
واللى ممكن يخلى الطامعين يدخلوا مصر باى حجة
اللهم احفظ مصر من الاخوان واعن الحق على ازاحتهم
وانا هرحع تانى لو حد رد عليا)
طبعا محدش رد لان مفيش حاجا ممكن يدافعوا بيها عن نفسهم
بس انا بعت رسالة لصاحب المدونة - ودا نص الرسالة

(السلام عليكم
بعد التحية
كنت انتظر ردك ومتشوق لطريقة ردك ودفاعك عن الاخوان او اقلها الدفاع عن التدوينة الخاصة بك
الا اننى وجد شيئا منافيا لتوقعى
والاغرب والذى لم انتبة لة اننى وجدتك - محاميا او رجل قانون
فكيف؟ لا تستطيع ان تدافع وانت اهلا لها
ام هل الاخوان كلهم هكذا حينما لا يستطيعون المدافعة عن انفسهم__ ينسحبون
اسف على الاسلوب
بس انا محتاجك تدافع عن نفسك وعن الاخوان عشان اتعلم
بس هل مكن ترد عليا ويمكن لا
بس انا اتوقع ردك عليا بس على البلوج عشان نقدر نتفاهم قدام الناس
باى
يا اخوانى)
وردة كان التالى
(السلام عليكم
حقيقتا لست من محبى ان نكون دائما فى منزله الدفاع
لان اسلوبنا واضح ليس فيه التباس
و طريقنا لتحقيق اهدافنا جلى وواضح لكافه الناس
و لانى وجدتك من مناصرى الدفاع عن الشعب المصرى و المصريين من هذا الاستبداد الذى نعيش فيه وهو فرض كما تعلم املاه علينا ديننا و قراننا فنحن معا فى خندق واحد ولا يصح ان يكون المتحالفين اعداء
تحياتى اليك)
بزمتكم انتوا شايفين الرد دا مناسب
بعتلة رد وكان نصه
(

رد دبلوماسى اكتر منة مقنع
مش معنى اننا فى خندق واحد يعنى اننا منختلفش اصلا العقول مختلفة البيئات مختلفة وممكن تكن المعتقدات مختلفة - يا اخى دا حتى الكوريتين مختلفتين وهوما اصلا اهل
ولية انت خليت الاختلاف عداوة يعنى اللى بيحصل ما بين اهل السنة والاخوان عداوة بقا مش اختلاف
ولو الاخوان اسلوبها واضح لية قبلت ان مبارك يبقا ريس عشان تطبيق الشريعة - دا كلام
كلام اقلها غير مقنع
تحياتى اليك
وانا بنتظر ردك
)
طبعا هو اتاخر فى الرد كتير - وانا بعتلة الرسالة دى
حضرتك هترد على كلامى ولا - لا - ولا هتاجل الرد لوقت تانى) (
ساعتة رد الرد دا !!!
( السلام عليكم
انا بالفعل رديت عليك و اذا لم يكن ردى اوجد قبولا عندك فالمشكله فيك
و ارجوا ان تشرفنى بزياره المدونه و التعليق على المقال
تحياتى اليك)
انا مش عارف اية المشكلة يمكن لما مبلقيش اجابة بتطاول بلسانى ؟؟!!
وكانت النهاية كدى
وعليك السلام ورحمة الله

طيب لو فيها رخامة منى حضرتك ممكن تجيبلى ردك وتعلملى علية لو سمحت
انا مشفتش الا تهرب من الاجابة !


--------------------
عجبى على الجماعة دى
لو محدش مسدق اللى مكتوب فوق ممكن اصور الايميل